منتدي التربيه التعليم

منتدي التربية التعليم تخصيص عن مذكرات مراجعات جميع الصفوف التعليم الابتدائية الاعدادية الثانويه الازهري الجامعات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 من فضلك .. إخلعي الحجاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 310
تاريخ التسجيل : 24/05/2011

مُساهمةموضوع: من فضلك .. إخلعي الحجاب    الخميس يونيو 02, 2011 9:46 am

بسم الله الرحمن الرحيم
السلام عليكم و رحمة الله و بركاته




من فضلك اخلعي الحجاب







ايوة انت قريتي العنوان صح



اخلعي الحجاب



لو مش عارفة يعني ايه حجاب و لو مش عارفة الحجاب بيفرض عليكي ايه



لو الحجاب بالنسبة ليكي غطاء للرأس



لو الحجاب بالنسبة ليكي هو بس ستر العورة



و قيسي علي الكلام ده كتير



انا عارف اني بتكلم بالعامية في موضوع كان لازم الكلام فيه يبقي بالعربية الفصحي



بس حبيت اوصل لكل الناس من غير ما يستصعبوا كلامي







انستي ... سيدتي ..... اختي



الحجاب مش مجرد حتة قماش بتغطي بيها رأسك و خلاص



الحجاب بطاقة شخصية بتقول في عنوانها انك مسلمة



و بتقول انك المفروض انك بتأدي فروض الله و سنة نبيه



و بتقول انك بعد كل ده محترمة و مؤدبة و عندك حياء



و فوق كل ده ساترة عورتك كلها و اولها شعرك



كل ده بيبينه مجرد بس انك لابسة حجاب





بس ايه هو الحجاب



هل هو الطرحة اللي بتربطيها علي دماغك ؟



طب لو الطرحة غطت شعرك كله هل يعتبر حجابك كامل







يا جماعة انتشرت في السنين الاخيرة سلوكيات بتلغي الحجاب بكل اشكاله



يعني البنت تبقي لابسة الحجاب و لابسة في نفس الوقت بنطلون جينز ضيق او مش ضيق او بنطلون قماش علي بادي ضيق قصير و الاسم محجبة



و ارجو تفهموني بمعني كلمة قصير عشان مقدرشي اوصف اكتر من كده



اللبس دلوقتي بقي مسخرة من كل اتجاه



تلبسي جابونيز او بروتال او صان بروتال قصيرعلي بادي ضيق بكم تحتيه الي يعني كده مش مجسم الذراعين او الكتفين و ساتر و خلاص



تلبسي جيبة ضيقة او مش ضيقة و تلبسي فوقيها الكلام اللي فوق ده و الاسم جيبة



نسيب اللبس



تبقي محجبة و كاملة من مجاميعه و واخداها تهريج و هزار مع البنات و الولاد و ممكن توصل لهزار بالايد



تبقي محجبة و بتقعدي قعدات ماتنفعشي بنت تقعدها زي تربيع الرجلين او رفعهم علي حاجة



تبقي محجبة و هاتك يا غلط في الناس و توقيع فيهم و اي حاجة مش من اخلاق واحدة محترمة او مسلمة



يا جماعة



عَنْ أَبِي هُرَيْرَةَ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم ‏"‏ مَنْ لَمْ يَدَعْ قَوْلَ الزُّورِ وَالْعَمَلَ بِهِ فَلَيْسَ لِلَّهِ حَاجَةٌ فِي أَنْ يَدَعَ طَعَامَهُ وَشَرَابَهُ ‏"‏ ‏.‏





تخيلوا معايا ان الرسول صلي الله عليه و سلم قال ان اللي صايم و بيعمل الكلام ده فمالوش لازمة انه يصوم عن الاكل و الشرب



لأن الصيام مش أكل و شرب بس



في ناس كتير ممكن تختلف معايا في قياسي لنفس الموقف علي الحديث ده



و انا كذلك ممكن انقد نفسي بس الموضوع زاد عن حده لدرجة كبيرة قوي







لو كان في حاجة من الحاجات اللي قلتها فيكي او بتعمليها فالحجاب مالوش لازمة



الحجاب ده بيدي مثل للناس و للديانات التانية بهيئة الاسلام من خلال امرأة



بمعني انتي لما تعملي الحاجات اللي فوق و تكوني لابسة حجاب بتدي مثل سئ للمسلمات اخواتك



اعتقد ان اكرم ليكي انك تخلعي الحجاب علي انك تدي مثل سئ عنه او تمنعي حد انه يعتنق الاسلام بمثلك السئ







انا مش بوجه الكلام ده لحد معين



انا بس بفضفض لأني اتخنقت



معلش لو زودتها



بس اعذروني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahla.montadalitihad.com
 
من فضلك .. إخلعي الحجاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي التربيه التعليم :: عاوز تعرف دينك؟ يلا بينا :: البنت المسلمة-
انتقل الى: